Njëra nga trashëgimtaret e Top Media-s, Lori Hoxha, e njohur si një nga vajzat më të pasura në Shqipëri, ka folur për herë të parë për pasurinë e saj dhe mënyrën se si njerëzit e konceptojnë faktin e të qenit e pasur.
Në një intervistë për INtv, bukuroshja sqaron disa detaje interesante në lidhje me stilin e jetës që bën dhe thotë se nuk është faji i saj që ajo është e pasur edhe pse nuk i vjen aspak keq për këtë gjë, përkundrazi!
“Problemi është që unë nuk jam pronarja, unë jam aksionere dhe në të gjitha këto kompanitë, aty ku familja ka përqindje, unë jam aksionere dhe aksionet e familjes sime ndahen në pesë pjesë, se unë kam dy motra, një vëlla dhe mamin. Kjo pjesë është përgjegjësi shumë e madhe që unë e kam marrë përsipër me kënaqësi dhe të ishte për mua, kjo nuk do të ishte zgjedhja ime që unë të kisha aksione në këtë kompani që 23 vjeç. Të ishte për mua do të ishte im atë në krye dhe do ta bënte punën mrekullisht siç ka ditur gjithmonë. Kjo është jeta, mua ky fat më ra do ta bëj sa më mirë, është privilegj dhe përgjegjësi shumë e madhe”.
“Fraza “kjo ka vetëm lek, nuk ka asgjë tjetër” më është dukur shumë injorante, është si të thoja unë, ti thjesht je i varfër, që nuk do ta thoja kurrë. kjo do të thotë se vlerëson vetëm pasurinë time. Njerëzit që kam rreth e qark meje e dinë kush jam unë dhe nuk më thonë ti je thjesht e pasur, se unë mund të jem dhe arrogante mund të jem dhe e pa edukatë por mund të jem dhe shumë vajzë e zgjuar. Nuk mund të më thuash ti je thjesht shumë e pasur, kjo më ka krijuar shumë kompleks kur erdha në Shqipëri. Fillova të ndihesha në faj se kam mundësi ekonomike, çfarë mund të bëj unë, dmth hajde të t’i fal të gjitha që të ndihemi të gjithë mirë, por këtë nuk mund ta bëj dot”, u shpreh Lori.
Blogerja sqaroi edhe se si e ka blerë makinën e saj luksoze, Mercedes C Class cube: “E bleva vetë, dmth nuk e kam paguar të gjithën përnjëherë, po paguaj leasing çdo muaj, por që 30 përqindëshin e parë e kam paguar vetë dhe pastaj po e paguaj vetë leasing deri sa të më mbarojë kontrata”.
Ndër të tjera ajo sqaron dhe thashethemet mbi operacionet plastike që supozohet të ketë bërë ose jo, së bashku me një mesazh për të gjithë ndjekësit e saj:
“Unë mund të të them që kam lindur kështu, por nuk do ta bëj, sepse nuk dua që vajzat e vogla të mendojnë që Lori ka lindur perfekte. Por nuk dua as të them kam bërë këtë apo atë, sepse nuk dua që ato të ndikohen dhe t’i bëjnë. I vetmi ndikim që dua të bëj tek njerëzit është pozitiv. Dua që të gjithë të bëjnë atë që i bën të ndihen më mire”, u shpreh ajo, duke lënë sërish vend për dyshime.
