Si rrallëherë Loredana ka vendosur të zhvillojë një intervistë virtuale me ndjekësit e saj, të cilët kanë qenë më së shumti të interesur rreth jetës private të reperes dhe Hanës. Ata e kanë pyetur se cila ka qenë fjala e parë që e bija ka thënë dhe Loredana është përgjigjur: “Babi!”. Siç duket kjo gjë nuk e ka mërzitur aspak, ndaj ka treguar të vërtetën.
Por çfarë do të ndodhë me jetën e saj si nënë?
Kur është pyetur nëse dëshiron të ketë fëmijë të tjerë, Loredana është përgjigjur potësisht e bindur: “PO!”. Siç duket ajo ka në plan të zgjerojë familjen e saj dhe të gjithë fansat po shpresojnë që babai i fëmijëve të ardhshëm të jetë Mozzik.
Ndërkohë para pak ditësh reperja dha një intervistë në një emsion në Gjermani, në të cilin foli për ribashkimin e shumëpërfolur me reperin. Ajo tha se nuk ka rëndësi nëse ata janë bashkë apo jo, por e rëndësishme është që kuptohen shumë mirë bashkë. Loredana tha se Mozzik udhëton shpesh edhe pa Hanën e duke u përgjigjur nuk ngurroi të qeshte.
“Nuk luan rol të madhe nëse jemi apo jo bashkë. Ne e kuptojmë njëri-tjetrin mirë. Jemi bashkë dhe për Hanën, dalim edhe në privatësi. Udhëtojmë edhe pa Hanën dhe më shumë nuk kam çfarë të them”, është shprehur reperja.
View this post on Instagram
