Loredana Zefi rikujtoi sot në Instagram se xhaxhai i saj është Don Shan Zefi, Kancelar Ipeshkvor i Kishës Katolike të Kosovës.
Bashkë me një foto të tijën ku shfaqet i qeshur mes maleve me dëborë, Loredana shkruan:
“Don Shan Zefi dhe axha im! I cili na ka mësuar të jemi gjithmonë në rrugën e Zotit dhe që na mbush gjithmonë zemrën plot me dashuri!”
Don Shan Zefi është vëllai i babait të Loredanës, i cili ndërroi jetë vetëm para pak ditëve.
Funerali i tij u mbajt dje, dhe Loredana shprehu dhembjen e saj përmes Instagram-it, duke shkruajtur:
“Faleminderit baba. Jemi 10 vëllezër e motra, dhe kemi nënën më të mirë. Ne sot qëndruam te varri yt për të të dhënë lamtumirën. Mos e harro një gjë: Nuk më intereson asgjë para familjes dhe kjo është ajo që unë do të bëj.”
Muajin e kaluar, Loredana ishte kudo në media pasi një grua zvicerane në të ’50-at e quajtur Petra, e akuzoi se bashkë me të vëllanë, Beratin, i kishin zhvatur asaj dhe bashkëshortit të vet 900 mijë franga zvicerane.
Pas kësaj, Loredana bashkë me partnerin Mozzik dolën në konferencë për shtyp, ku ajo mohoi përfshirjen në skemë dhe u shpreh se asnjë qindarkë nuk ishte dhënë me forcë siç pretendonte zvicerania.
Loredana është në hetim në gjendje të lirë nga prokuroria e Zvicrës. Ajo kërkon pafajësi.
Duket se pikërisht për këtë arsye, ajo zgjodhi që, pas humbjes së pashlyeshme së të atit, të vërë nderin në vend duke treguar se ata janë rritur me parime ndërsa xhaxhai i saj është një figurë e rëndësishme e besimit të krishterë.
Don Shan Zefi është diplomuar për teologji në Zagreb dhe shpejt, u caktua famulltar në kishën e Ferizajt.
Studimet post- universitare i mbaroi në Romë, në Universitetin Papal të Urbaniana-s. Me t’u kthyer në Prizren, u caktua Kancelar Ipeshkvor i Kishës Katolike dhe që atëherë ka qenë në këtë detyrë.
