Lojërat Olimpike “Rio 2016” mbajtën mbrëmjen e tyre të fundit të dielën, ndërsa ceremonia e mbylljes ishte po aq mbresëlënëse sa ajo e natës së parë.
Flaka olimpike u shua në stadiumin “Maracana” mes një spektakli madhështor fishekzjarrësh e karnavalesh, por fatkeqësisht me një stadium gjysmë bosh për shkak të shiut që përfshiu kryeqytetin brazilian.
Stafeta për Lojërat Olimpike 2020 i kaloi kryeqytetit të Japonisë, Tokios.
Me përfundimin e Lojërave Olimpike u bë edhe bilanci i fituesve. Amerikanët dominuan thuajse në të gjitha disiplinat olimpike duke marrë 121 medalje në total, ku 46 janë ari, 37 argjendi dhe 38 bronxi.
Më pas u ndoqën nga Britania e Madhe me 27 medalje të arta dhe Kina me 26 të tilla.
Shqipëria mbylli me rezultate të dobëta Olimpiadën, ndërsa historinë e bëri Kosova që arriti të merrte një medalje ari me xhudisten Majlinda Kelmendi.
Atletët që spikatën më shumë në këto lojëra janë notari amerikan Michael Phelps me 6 medalje, 5 ari dhe një argjendi, notarja amerikane Ledecky me 4 medalje ari e 1 të argjendtë dhe xhamajkiani Usain Bolt me 3 medalje ari.
*Shfleto galerinë
Burimi: BBC
