Një dorë që ofron një trëndafil të kuq, na kujton logon e “Partisë Socialiste Shqiptare”, por në fakt kjo logo nuk është vetëm e saj. Ajo është e “Partisë Socialiste Spanjolle” (PSOE) dhe është themeluar në vitin 1977. Përpos Spanjës dhe vendit tonë, një tjetër vend i cili identifikohet me logon e kësaj bluze është Franca.
Kjo logo është bërë e famshme nga një markë rrobash që e ka përdorur në disa bluza, çmimi i të cilave shkon deri në 39 euro. Buzzfeed shkruan se klientët e saj të synuar janë të rinjtë “hipster”.
Përdorimi i këtij simboli nuk i ka pëlqyer aspak përkrahësve të Partisë Socialiste në Spanjë, të cilët e kanë quajtur si një lajm jo të këndshëm për imazhin e partisë dhe nuk mendojnë ta lënë me kaq këtë histori.
Kjo parti do të marrë masa juridike kundrejt markës që ka përdorur logon e tyre. Logoja e cila duket krejtësisht identike me atë të “Partisë Socialiste”, ngjason dhe me logon e “Partisë së Francës”, edhe pse kjo e fundit ka pësuar disa ndryshime të vogla.
