Cristiano Ronaldo dhe Georgina Rodriguez tashmë kanë udhëtuar drejt Arabisë Saudite, ku ylli portugez do të luaj në vazhdim me skuadrën arabe, Al-Nassr. Mirëpo çfarë përbën kureshtje në këtë aventurë të re të dyshes është edhe ku do të jetojnë.
Çifti thuhet se tashmë ka gjetur një rezidencë mbresëlënëse për të qëndruar në kryeqytetin Riadit, një qytet i dalluar nga palmat, ndërtesat mbresëlënës dhe qendrat tregtare ekskluzive.
Sipas Daily Mail, Ronaldo ka kërkuar që t’i sigurohet një vilë si pjesë e kontratës së tij me palën saudite. Shtëpia vlen 12.2 milionë euro dhe ka tetë dhoma gjumi, një pishinë të madhe dhe një holl pritjeje me ujëvarë.
Ndodhet në një lagje ku banojnë njerëz me zakone perëndimore. Kjo do të thotë që Georgina nuk do t’i kërkohet të respektojë asnjë kod veshjeje, si për shembull të mbulohet nga koka te këmbët ose të mbajë shami.
Tani, çifti është në kërkim të një shkolle elitare, të ngjashme me Shkollën Ryleys, të cilën aktualisht ndjekin fëmijët e tyre.
Siç e përmendëm Cristiano Ronaldo tashmë është pjesë e klubit Al Nassr. Ai ka nënshkruar një kontratë dyvjeçare e gjysmë me këtë skuadër.
Lidhur me këtë ngjarje, ka reaguar edhe Georgina Rodriguez.
“Shumë faleminderit Arabisë Saudite për një pritje kaq të mrekullueshme. Jemi shumë të emocionuar për këtë aventurë të re në Al Nasr. Ne dëshirojmë të falënderojmë të gjithë ata që e bënë të mundur këtë. Jam shumë e lumtur që të shoh Cristiano shumë të emocionuar dhe duke kërkuar dorë për dore në një drejtim drejt një të ardhmeje më të ndritshme”, ka shkruar Georgina në rrjetet sociale.
