Një faqe që njihet për përzgjedhjen e liderëve më tërheqës në botë, ka publikuar listën, në të cilën renditet edhe kreu i qeverisë shqiptare.
Faqja online hottestheadsofstate.com, shkruan se, “nëse nuk pajtoheni me këtë renditje të krerëve më seksi të shtetit dhe qeverisë, mund të ankoheni në Twitter ose duke lënë një koment në fund të kësaj faqeje. Ashtu si çdo demokraci e mirë, ne do t’i marrim komentet tuaja “parasysh”.
Kreu i qeverisë shqiptare, Edi Rama renditet në vend të nëntë, duke lënë pas në vendin e 11-të kryeministrin e Greqisë Alexis Tsipras. Ndërsa vendin e parë e zë, kryeministri i Kanadasë, Justin Trudeau, për të vijuar me kryeministren e Zelandës së Re Jacinda Ardern në vendin e dytë dhe Mbretin e Butanit, Jigme Khesar Namgyel Wangchuck, në vend të tretë.
Në fakt lista nuk është edhe aq e përditësuar, pasi në të renditet edhe ish-presidenti i Shqipërisë, Bujar Nishani i cili ndodhet në vendin e 123.
