Taylor Swift triumfoi në edicionin e 58-të të “Grammy Awards”, duke u bërë femra e parë që fiton çmimin “Albumi i vitit”, për të dytën herë. Spektakli u mbaj mbrëmjen e së hënës në Los Angelos. Taylor mori çmimin “Albumi i vitit” me albumin e saj të titulluar “1989”
“Si femra e parë që e ka fituar çmimin albumi i vitit dy herë në “Grammys”, dua t’ju them të gjitha vajzave të reja aty jashtë se do të ketë njerëz që do të duan t’u pengojnë në suksesin tuaj. Por nëse fokusoheni tek puna, ndonjë ditë kur të keni arritur atë që doni, do e kuptoni se atje ju ka çuar vetja jote dhe njerëzit që doni”, tha ajo në fjalimin e saj.
Në këtë mënyrë Taylor i ktheu përgjigje reperit Kany West, përmes marrjes së çmimit dhe fjalimit të saj. Reagimi lidhet me këngën fyese të kënduar nga West ndaj këngëtares pak ditë më parë.
Çmimi “Regjistrimi i vitit” shkoi për “Uptown Funk”, kënduar nga Bruno Mars dhe “Kënga e vitit” u shpall “Thinking Out Loud” e kënduar nga Ed Sheeran. “Prindërit e mi vijnë çdo vit dhe çdo vit unë humbas”, tha ai.
Kendrick Lamar i la të gjithë artistët e tjerë mbrapa me 11 nominimet e tij. Ai fitoi për performancën e tij rep, për këngën rep, për bashkëpunim në këngën rep dhe për “Videon e vitit”.
Meghan Trainor fitoi çmimin e “Artistit të ri” dhe shpërtheu me lot nga gëzimi. “Më duhet të falenderoj L.A. Reid që më panë si një artist dhe jo vetëm si një autore këngësh. Unë jam shumë rrëmujë. Më duhet të iki të qaj”, tha ajo.
The Weeknd, të cilët kishin 7 nominime fituan “Performanca më e mirë” dhe “Albumi më i mirë bashkëkohor” për albumin “Beauty Behind the Madness.”
“Traveller” i Stapleton fitoi çmimin “Albumi më i mirë i vendit” dhe Alabama Shakes me “Don’t Wanna Fight” fituan për “Performancën më të mirë rock”.
Lionel Richie mori një dhuratë shumë të bukur nga Trainor, Luke Bryan, John Legend, Demi Lovato dhe Tyrese, të cilët performuan disa prej këngëve të tij.
Ndërkohë që pjesë e eventit u bënë edhe tre artistët që humbën jetë kohët e fundit. Lady Gaga bëri një homazh për David Bowie duke kënduar disa prej hiteve të tij ku në dy këngët e fundit ajo u shoqërua nga kitaristi Nile Rodgers.
Eagles Don Henley, Joe Walsh, Timothy B. Schmit dhe Bernie Leadon përshëndetën Glenn Frey me një performancë të këngës “Take It Easy”.
Burimi: Vogue
