Kërkesa e yllit të popit Britney Spears që të mos i kthejë më pozicionin ligjor babait të saj që i jep kontroll mbi të në shumë aspekte të jetës dhe karrierës së saj ka mbetur pezull. Jamie Spearb, babai i këngëtares ka qenë përfaqsuesi i saj ligjor prej 12 vitesh. Ai kontrollonte çdo vendim apo dokument që nënshkruante këngëtarja, për shkak të shqetësimeve lidhur me shëndetin mendor të 38 vjeçares.
Këngëtarja është kundër kërkesës së babait të saj, i cili në fakt hoqi dorë nga roli në vitin 2019 dhe tashmë Britney nuk do donte të kthehej në të njëjtën situatë.
“The New York Times” raporton se vendimi do merret në shkurt të 2021.
38-vjeçarja mbetet një nga yjet më të dashura të epokës moderne, por ka pasur jetën dhe financat e saj të kontrolluara, metodë që përdoret zakonisht për të moshuarit, të dobëtit ose me aftësi të kufizuara, që nga 2008, pas problemeve me shëndetin mendor dhe abuzimit me substancat narkotike.
Spears, përmes avokatit të saj të caktuar nga gjykata, Samuel D. Ingham III, tha këtë javë se ajo ishte kundër që babai i saj të kthehej në në “kontrolluesin” i saj, duke treguar se ajo ishte e gatshme të përballej me të në gjykatë.
Shumë fansa të Britny-t mendojnë se ajo po detyrohet të firmosë dhe të bëjë marrëveshje kundër dëshirës së saj. Për këtë shkak në rrjet qarkulloi një fushatë nën moton #FreeBritney!
Në vend të të atit, ajo preferon, që kujdestarja e saj të jetë Jodi Montgomery, sikurse ka qenë përpara disa vitesh, për gati një vit.
