Bashkëshortja e kryeministrit Edi Rama, Linda Rama ishte e ftuar sonte në një intervistë me vogëlushët e emisionit “Në Kurthin e Piter Pan”, ku u shfaq tejet elegante e veshur me një fustan të gjatë kuq e zi. Pas 4 vitesh shkëputje nga televizioni, Linda foli për herë të parë sesi është të jesh bashkëshortja e kryeministrit shqiptar.
“Si është të jesh gruaja e kryeministrit, hall apo qejf?” – e pyet vogëlushi.
“Hall nuk është, e sigurt që nuk është. Se populli e zgjedh për të drejtuar vendin dhe është vlerësim, por është edhe peshë e madhe që duhet ta mbash çdo ditë e çdo natë, por kur ia vlen ta mbash.” –përgjigjet Linda Rama.
Ajo tregoi edhe anën e panjohur të kryeministrit. “Edi Rama duket tip i fortë, por a ka qarë ndonjëherë” e pyeti njëri nga fëmijët. “Po. Unë e kam parë lotin e Edit…kur ka humbur miqtë e tij shumë të ngushtë”, tregoi Linda.
Sakaq, ajo foli edhe për të voglin e saj Zaho, i cili po mendon se çfarë do të bëhët kur të rritet.
“Në festës e një vjetorit i vendosëm në një tepsi, stetoskopin e doktorit, libër, çelësat e makinës, kaseta filmash. Zgjedhja e Zahos ishin kasetat. Kur ishte 2 vjeç tha se do të bëhej shofer, ndërsa tani ka qejf të jetë si Spiderman-i.” – tha Linda Rama.
E pyetur se kush paguhet më shumë në familje, Linda Rama u përgjigj: “Nuk ka rëndësi fare se kush e ka rrogën më të madhe. Përveç punës, familja ka dhe shumë punë të tjera që duhet të bëjë brenda. Të gjithë duhet të kontribuojnë në familje. Nuk është vetëm rroga kontributi, nuk ka rëndësi. Është dashuria gjëja më e madhe në familje.”
