Këngëtarja Lindita Halimi, ka nisur turin e saj promovues të këngës “World” me të cilën do të përfaqësojë Shqipërinë në ” Eurovision “.
Ndalesa e parë e saj gjatë fundjavës ka qenë eventi “Eurovision in Concert” në Amsterdam, një event ky i cili i paraprin festivalit evropian e që ishin prezent 34 përfaqësues nga 43 pjesëmarrës që janë gjithsej këtë vit në festival.
Përfaqësuesja shqiptare, ka dalë në skenën e “Eurovision in Concert”, por pas disa sekondash ajo ka ndërprerë përformancën e saj, pasi refuzoji të këndonte në playback.
Në video shihet Lindita me një veshje mjaft ekstavagante, duke kërkuar që të ndalet kënga, pasi ajo refuzon të këndojë playback, e duke thënë se këtu këndohet live.
Pas kësaj publiku ka nisur ta duartrokasë gjestin e këngëtares kosovare dhe më pas ka nisur këndimi live.
Ky gjest i Linditës është pritur mirë nga fansat e Eurovisionit, ndërsa në sondazhe është duke u radhitur e treta si performanca më e mirë në këtë event.
Kujtojmë që Shqipëria do të prezentohet në Eurovision” në natën e parë më 9 maj, ku Lindita do të këndojë e katërta me radhë.
