Energjia dhe intensiteti i nxehtësisë së verës ka bërë që Donna Karan të hedhë në treg një fragrancë të re, pjesë e koleksionit të verës. Kjo aromë vjen në shishe të inspiruara nga qiellgërvishtësit njurorkezë. Duke ruajtur traditën e shtëpisë, ajo prezanton një produkt dedikuar femrave dhe meshkujve.
“Limited edition”, femrash për këtë verë, “DKNY WOMEN SUMMER 2015” vjen në një shishe në nuanca të rozës së ndezur dhe portokallisë, me një sasi prej 100 ml. Vera e ngrohtë në New York përshkruhet me një kompozim joshës mes portokallit, grejpfrutit, karafilit, zambakut dhe irisit. Sipas Dona Karan, parfumi nxjerr në pah shpirtin e pasur të femrës, vitalitetin dhe sensualitetin e saj.
“Limited edition” për burra, “DKNY MEN SUMMER 2015” prezantohet në një shishe me nuanca të jeshiles dhe blusë, me një sasi prej 100 ml.
Koleksioni më i ri i “Dior” për sezonin e verës 2015, “Tie Dye limited edition” sjell një larmi ngjyrash që i japin lëkurës suaj një dritë të ngrohtë. Gjithashtu, “Dior” ka menduar edhe për fantazinë e thonjve, duke sjellë katër versione ngjyrash “limited edition”.
“5 Couleurs” është kutia e magjishme me 5 tone sysh brenda, ku paleta që ndodhet në mes, është ngjyrë neutrale, ndërkohë që katër të tjerat ju lejojnë të luani me kreativitetin që ngjallin.
