Lily Allen ka preferuar që të tregojë jetën e saj personale përmes muzikës. Madje këngëtarja i ka kushtuar hitin “Alfie”, vëllait të saj.
Allen tregoi se në albumin e saj të ri ajo do të tregojë eksperiencën e saj të hidhur, që ka kaluar në të shkuarën, si edhe ndarjen e dhimbshme nga Sam Cooper.
Këngëtarja 31-vjeçare u martua me Sam, babanë e dy vajzave të saj Ethel, 5 vjeç dhe Marnie, 4 vjeç, në 2011-n dhe u nda në 2016-n. Më në fund, ajo vendosi të tregojë se çfarë shkoi keq në lidhjen e tyre.
Këngëtarja e hitit “Smile” ka treguar gjithashtu se në këtë album ajo do të flasë rreth rolit të saj si nënë si edhe betejën e saj me abuzimin e substancave narkotike.
“Në mënyrë të çuditshme, ky album është mjaft i kufizuar. Kryesisht është për mua dhe marrëdhëniet e mia me fëmijët, ndarjen e martesës sime, abuzimin me substancat e ndryshme, etj.”, shprehet këngëtarja për “News Roast”.
Lily bëri shaka në lidhje me të dashurin e saj të ri DJ-in, Dan London: “Nëse martohemi, unë do të jem Lily London”.
Burimi: Daily Mail
