Një bashkëpunim i fshehtë mes Kanye West dhe Dua Lipës është publikuar së fundmi në internet.
Kënga, e quajtur “Law Of Attraction” u regjistrua dy vjet më parë për albumin e Kanye, ‘Yandhi’, por nuk u publikua kurrë.
Një klip një minutësh i këngës po qarkullon në rrjet dhe po bën namin. Sipas “The Sun” Dua e pëlqente shumë muzikën e Kanye kur ishte më e re dhe e konsideronte veten një fanse të madhe të tijën.
Po e njëjta media shkruan se ajo ishte e lumtur që hyri në studio me të sepse ishte një përvojë emocionuese, por fatkeqësisht kënga nuk e pa kurrë dritën e publikimit.
Pse? Sepse në kohën kur Kanye publikoi albumin e tij, i gjithë koncepti kishte ndryshuar dhe kjo pjesë nuk i përshtatej fare.
https://youtu.be/XMXyQcYXEps
Megjithatë, shanset që në të ardhmen dy super artistët të bashkojnë sërish forcat janë të mëdha dhe me siguri do jetë një super hit botëror.
Teksa Kanye i është futur politikës, Dua vijon me sukseset.
Së fundmi, ajo është nominuar në dy kategori të ndryshme të shfaqjes muzikore amerikane “AMA”. Ajo ka ndarë lajmin e madh në rrjetet sociale, ku ka treguar se është nominuar në kategorinë “Artistja femër e preferuar” dhe “Kënga e preferuar”.
Po ashtu, ajo na ka paralajmëruar se ka në plan diçka shumë speciale gjatë dhënies së çmimeve, në të cilat ajo po merr pjesë për herë të tretë radhazi.
Dua Lipa ka njoftuar dje në rrjetet sociale se më 30 tetor do të publikojë këngën e saj më të re në bashkëpunim me këngëtaren belge Anegle.
Ajo ka ndarë një foto me të, ku shihen duke kërcyer, duke treguar se kënga titullohet “Fever”.
Me zemër të thyer, Dua njoftoi 3 ditë më parë se turneun e saj europian që e kishte planifikuar për në janar dhe shkurt do e shtyjë për shkak të pandemisë së Covid-19 për në shtator dhe tetor.
Në një postim në rrjetet sociale, artistja më e njohur shqiptare shkruan se biletat mbeten të vlefshme, teksa na premton surpriza të mëdha gjatë kësaj kohe.
Pak ditë më parë 25 vjeçarja bëri të ditur në Instastory se “Future Nostalgia” ka kaluar shifrën prej dy miliardë dëgjimeve në platformën “Spotify”, duke u bërë artistja femër më e dëgjuar e vitit 2020.
Kujtojmë se po ashtu Dua është nominuar për “Mercury Prize”, një nga çmimet më të rëndësishme në Britani që vlerëson albumin më të mirë, duke u bërë artistja e parë shqiptare që nominohet për një çmim të tillë.
“Future Nostalgia” duket se ia ka dalë të triumfojë brenda pak kohësh, teksa për javë të tëra ka qëndruar në vend të parë, si albumi më i dëgjuar në Britani.
Disa muaj më parë Dua festoi një super sukses, pasi arriti të bëhet femra e parë në industrinë e muzikës botërore me 4 këngë me nga 1 miliardë klikime në Spotify, “New Rules”, “One Kiss”, “IDGAF” dhe “Don’t start now”.
Ajo së bashku me The Weeknd, Michael Kiwanuka dhe Beyoncé kryesojnë nominimet për “Music video awards” në Mbretërinë e Bashkuar.
Dua mban fronin me tetë nominime, duke përfshirë dy për ‘Video më të Mirë Pop’ me ‘Physical’ dhe ‘Break My Hear’, ndërsa një video e saj me 5 hitet e “Don’t start now” e regjistruar në Los Anxhelos, është nominuar për ‘Videon më të mirë live’.
Pak ditë më parë Dua jonë është nominuar për “ARIA Awards 2020” në kategorinë “Artisti më i mirë internacional”, dhe për këtë ka ndikuar jo pak albumi i saj “Future Nostalgia”, që bëri jo pak bujë.
Mbrëmja më e madhe e ndarjes së çmimeve në Australi do të transmetohet në Channel Nine më 25 nëntor.
