Ajo është një nga këngëtaret më të përfolura të showbiz-it shqiptar dhe jo më kot. Ka realizuar një prej hiteve më të mëdha në bashkëpunim me ish-in e saj, reperin Cozman, aq sa sot identifikohet me tekstin “Zogu ma i mir pe krejtve”.
Biondja nga Shkupi, Altuna Sejdiu nuk njihet vetëm pë hite. Ajo pati një martesë të bujshme por që dështoi shumë shpejt dhe është kthyer shpesh herë në subjektin e grindjeve historike mes dy grupeve më të njohur të repit në Shqipëri, OTR dhe Baba Records.
Sa i përket ndarjes nga bashkëshorti, Tuna ka thënë se ka qenë një vendim i përbashkët pas shumë mosmarrëveshjeve që kishte me Rilind Rekën, ndërsa për Cozman, asnjë fjalë.
“Ne të dy kishim një jetë shumë dinamike. Kishim shumë mospajtime dhe para se të mbaronte dhe luga e fundit e mjaltit vendosa që mos të viktimizohem më shumë. Jemi ulur dhe kemi vendosur që të ndahemi për të mirën e të dyve”, ka thënë Tuna për “Kosovarja” lidhur me përfundimin e kësaj martese.
Sot, ajo qëndron sërish në krye të titujve rozë sa i përket marrëdhënieve me meshkujt, dhe një shtatzënie të përfolur pas ndarjes nga Cozman. Këngëtarja momentalisht përflitet për një lidhje me Patris Berishën, i njohur nga mediat kosovare si babai i fëmijës, por kjo nuk është konfirmuar ende nga këngëtarja.
Por Tuna është bërë subjekt edhe i akuzave për operacione plastike. Gjithmonë e kuruar dhe e veshur nga emra të njohur të stilit, si Valdrin Sahiti, Tuna është kthyer sot në një ikonë të stilit që influencon të rejat shqiptare.
Por këngëtarja shqiptare nuk ka qenë gjithmonë kaq e kuruar dhe për këtë është përfolur edhe për ndërhyrje në fytyrë, edhe pse asnjëherë nuk i ka pranuar, duke mbetur vetëm në kuadër të thashethemeve. Fotot e mëposhtme janë një dëshmi e transformimit të Tunës që prej fillimit të karrierës së saj.
Burimi: ICONstyle
