Një mesazh që ia dha për tërë jetën së bijës tashmë është bërë virale dhe përfshiu çdo femër, qoftë nënë apo jo.
Shkrimtarja Toni Hammer përmes një postimi në “Facebook” shkroi se, ka një tjetër koncept në kokën e saj të gjërave, që vajza e saj e vogël nuk duhet t’i bëjë kur të rritet.
Ajo shkroi një letër publike me synimin e vetëm që t’i rriste vetëbesimin së bijës dhe respektin për veten dhe shumë nëna dhe vajza të tjera ndanë të njëjtin mendim.
“Mos kërko falje kur dikush përplaset me ty,” fillon letra e saj.
“Mos kërko falje kur dikush të zhgënjen, falja i përket atij. Mos thuaj “më fal që jam kështu” kur ti e di shumë mirë se je një njeri që ke ndjenja dhe ndjenjat meritojnë të respektohen sido të jenë. Mos jep justifikime se pse nuk ke qejf të dalësh me një djalë, që nuk të pëlqen sepse nuk ke pse i jep arsye askujt nëse nuk do. Një “jo faleminderit” do të bënte shumë punë, në këto raste dhe mos mendo për falje të tepërta.Mos mendo gjatë se çfarë është e përshtatshme të konsumosh, përsa i përket ushqimeve. Nëse je e uritur, thjesht ushqehu me çfarë të duash. Nëse ke dëshirë të konsumosh një picë, mos porosit një sallat sepse kështu duhet por porosite atë dreq pice! Mos i mbaj flokët shumë të gjata sepse të tjerët të thonë të mos i presësh. Mos e vish atë fustan nëse nuk të pëlqen. Mos qëndro në shtëpi thjesht sepse nuk ke me kë të dalësh. Dil vetëm. Shijo veten. Mos i mbaj lotët kur do që të qash. E qara do të thotë se ke nevojë të shfryhesh, në një mënyrë dhe nuk është dobësi. Njerëzit qajnë! Mos qesh sepse kështu të thotë dikush tjetër, qesh kur ta ndjesh ti. Mos ki turp të qeshësh nga shakatë, që bën vet. Mos thuaj ‘po’ sepse kështu duhet të thonë vajzat e sjellshme. Thuaj ‘jo’ kur të kesh qejf sepse është jeta jote. Mos i fshih opinionet e tua. Trego gjithçka ndjen dhe tregoje me zë të lartë. Ajo çfarë ke për të thënë, duhet të të dëgjohet. Mos kërko falje për atë çka je. Ji guximtare, e fortë dhe e bukur. Ji, në çdo moment kjo që je, sepse je e mrekullueshme…”
Burimi: Facebook
