Letra e një vogëlushi nga Vlora përBabagjyshin e Vitit të Ri do t’ju bëjë të qani.
Enea, i cili ka një dëshirë ndryshe nga moshatarët e tij, i shkruan Babagjyshit për t’i kërkuar një punë për babin:
I dashur Babagjysh. Unë që pot ë shkruaj quhem Enea. Jam 9 vjeç dhe mësoj në klasën e katërt në shkollën 9vjeçare ‘Lef Sallata’. Unë jam nga qyteti bregdetar Vlorë. Prej disa vitesh nuk kam marrë asnjë dhuratë, pasi babi im është i papunë. Më shumë se një dhuratë, dua një punë për babin tim. Të lutem Babagjysh plotësoma dëshirën time për këtë dhuratë që quhet punë! Babagjysh unë kam dhe një vëlla më të madh se vetja. Ai është në 14 vjeç dhe mëson në klasën e nëntë. Edhe ai dëshiron të njëjtën dhuratë. Babagjysh! Unë shpresoj…
Me respekt Enea Velo
Letra është publikuar nga faqja Babagjyshi Sekret, e cila u bën thirrje jo vetëm individëve, por edhe bizneseve që mund të regjistrohen me emrin dhe NIPT-in e tyre. Urojmë që midis këtyre bizneseve, njëri t’i plotësojë Eneas dhuratën dhe t’i ofrojë babait të tij një vend pune.
