Ylli i “Titanic”, i cili njihet dhe del me gra vetëm deri në moshën 25 vjeç, ka thyer “ligjin” e tij dhe ka nisur një lidhje me modelen Gigi Hadid, 27-vjeç.
Page Six raporton se DiCaprio dhe Gigi Hadid tashmë nuk fshihen, teksa janë publikuar edhe fotot e para të çiftit të ri. Ndërsa Hadid ka qenë e zënë këtë javë, duke marrë pistën për Vogue Ëorld dhe duke marrë pjesë në çmimet e modës, ajo ka gjetur kohë për t’u takuar me partnerin e saj.
Dyshja — DiGi, ndoshta? – u panë duke u shoqëruar në një festë të organizuar nga shoku i DiCaprios, Richie Akiva dhe Darren Dzienciol në një papafingo në Soho të shtunën mbrëma.
“Leo ishte me miqtë e tij djem dhe Gigi ishte me mikeshat e saj modele dhe të gjithë rrinin në një tavolinë”, thotë një burim duke shtuar më tej se grupi ka parë Dj e njohur Diplo dhe një performancë nga reperi Kodak Black.
Dhe me sa duket romanca më e re e shoëbizit po ecën mjaft mirë. Çifti i ri Gigi Hadid dhe Leonardo DiCaprio e kanë zhvendosur romancën e tyre në një fazë më intime, shkruan Page Six – por burime pranë çiftit thonë se ata “po i marrin gjërat shtruar”.
Burimet thanë se modelja 27-vjeçare dhe aktori 47-vjeç janë afruar teksa ishin takuar në të njëjtin grup miqsh.
Por tani raportohet se ata kanë nisur edhe takimet private si çift. Dyshja ishin gjithashtu së bashku diku javën e kaluar, por ata ende “po njihen me njëri-tjetrin”.
Hadid dhe DiCaprio janë takuar disa herë gjatë viteve, por raporti i tyre nuk kishte qenë kurrë romantik deri më tani.
Ata u panë për herë të parë në një ambient grupi së bashku me motrën e Hadid, Bella dhe Kendall Jenner në Art Basel në Miami në vitin 2019. Por thashethemet se çifti nisën një romancë filluan pasi ata u panë duke u shoqëruar në hapjen e Ned – klubit të ri të Akiva-s vetëm për anëtarët e rinj në Manhattan – në korrik.
Një tjetër burim i tha Page Six se DiCaprio dhe Hadid u panë sërish bashkë në klubin e Manhattan në gusht.
Lidhja “relativisht e re” vjen jo shumë kohë pasi u zbulua se ylli i “Titanic” ishte ndarë nga e dashura e tij prej katër vitesh, Camila Morrone , vetëm disa muaj pasi modelja mbushi 25 vjeç.
