Pas eksperiencës së lidhjeve të ndryshme me disa nga modelet dhe celebrities më të bukura, Leonardo DiCaprio duket se më në fund gjeti të duhurën.
Nina Agdal e bën aktorin DiCaprio “shumë të lumtur” dhe romanca e tyre është më shumë se sa një gjë e momentit.
Një burim pranë aktorit 41-vjeçar tha për “People” se, modelja 24-vjeçare është “ndryshe” dhe “Leo duket i dashuruar pas saj”. Edhe pse çifti u fotografua për herë të parë së bashku në muajin korrik të këtij viti, Leo dhe Nina përfliten ta kenë nisur lidhjen e tyre që në vitin 2014.
Modelja dhe aktori konfirmuan romancën e tyre teksa u fotografuan duke u puthur gjatë pushimeve të tyre në Malibu në muajin korrik.
“Ai shihet vazhdimisht teksa e puth dhe përqafon modelen. Ajo është energjike dhe duket se e bën Leonardo-n shumë të lumtur. Ajo është e matur për moshën e saj. Për Leo-n ajo është si ajër i freskët”, tha burimi.
Burimi: Daily Mail
