Ajo është një nga modelet më të kërkuara në botë, që ka sfiluar për Moschino, Dolce & Gabbana dhe Tommy Hilfiger që nga fillimi i karrierës së saj.
Megjithë suksesin e saj, Hailey Baldwin, 20 vjeç, ka zbuluar luftën që bën për t’u marrë seriozisht me industrinë e modës dhe frustrimin për t’u etiketuar si një yll “Instagrami” midis kolegëve të saj.
Duke pozuar për ELLE UK, modelja amerikane insiston se ajo punon shumë për arritjet e saj, duke shtuar se komentet që dëmtojnë etikën e punës janë thjesht ‘mungesë respekti’.
“Nuk është e drejtë, sepse punoj shumë për të bërë atë që kam dhe për të provuar se kjo është ajo që dua të bëj. Unë dua të jem një modele”, zbuloi Hailey për Elle. “Unë nuk dua të jem një modele “Instagrami”, as nuk jam një modele “Instagrami”. Nuk mendoj se do të isha aty ku jam, nëse njerëzit nuk shohin diçka te mua”.
