Lëkundje tërmeti janë ndjerë gjatë mbrëmjes së sotme në vendin tonë, rreth orës 22:50 të darkës. Sipas Institutit të Gjeoshkencave (IGJEO), tërmeti ka qenë me magnitudë 2.6 të shkallës rihter.
Epiqendra e termetit ishte 11 km nga Korça dhe 91 km nga Elbasani, ndërsa kishte një thellesi prej 1 km.
Lëkundjet janë ndjerë nga qytetarët, por fatmirësisht nuk ka dëme, as në njerëz dhe as materiale, nga sa raportohet deri më tani.
Kujtojmë se tërmeti më i rëndë që tronditi vendin, është ai i datës 26 nëntor 2019 me magnitudë 6.4. Tërmeti u ndje VI ballë në Hamallaj, Jube dhe Rrushkull, VIII-IX ballë në qytetin e Durrësit, Sukthit dhe në Kuraten.
Rrjeti Sizmologjik i Shqipërisë, regjistroi për muajin nëntor të vitit 2020 në vendin tonë sizmitetin të nivelit më të lartin që prej tërmetit të 15 prillit 1979 (M6.9). Rritja më e madhe e aktivitetit sizmik u regjistrua në perëndim të Shqipërisë e shprehur me tërmetin e Durrësit me magnitudë 6.3, më 26 nëntor, në orën 03:56 me orën lokale që është dhe tërmeti më i fortë i 40 viteve te fundit. Nga ky termet humbën jetën 51 persona. Përkatësisht në Durrës 25 viktima, Thumanë 24 viktima, Lezhë 1 viktimë dhe Tiranë 1 viktimë.
Në qarkun Durrës 47 persona u nxorën nga rrënojat që shpëtuan jetën. Numri i të plagosurve arriti rreth 2000 vetë. Më shume se 12 mijë njerëz ngelën pa strehë.
