Kryeministri i vendit, Edi Rama, ka njoftuar ditën e sotme masat për familjet e prekura nga tërmeti i fuqishëm i pasdites së 21 shtatorit.
Shefi i qeverisë bëri me dije se godinat e pabanueshme, do të rindërtohen nga fondi rezervë i buxhetit të shtetit.
Ndërsa për ata që duan t’i ndërtojnë vetë banesat, leja do të merret brenda 5 ditëve pa paguar asnjë taksë.
Gjithashtu, të gjitha familjeve, banesat e të cilave janë bërë të pabanueshme, do t’u falen të gjitha detyrimet e papaguara të ujit dhe energjisë elektrike.
Rama tha se do të ndihmohen edhe familjet, banesat e të cilave janë dëmtuar, por nuk janë bërë të pabanueshme.
Më tej kryeministrui u shpreh se kryeministri i Italisë, ambasadori i BE-së në Tiranë, por edhe zv.amabasadorja e SHBA-vë, kanë qenë në kontakt me autoritetet shqiptare, për t’u ardhur në ndihmë të prekurve nga tërmeti.
Këtyre u janë bashkangjitur edhe sipërmarrësit apo investitorët e huaj në vendin tonë.
Rama u ndal edhe te lejet e ndërtimit, për të cilat tha se nuk do të jepen më pa policën e sigurimit, pasi si ai që ka garantuar blerësin, por edhe autoriteti që ka dhënë lejen, do të përfundojnë në burg.
Kryeministri gjeti edhe një lajm të mirë në mesin e tërmetit, duke u shprehur se pallatet e reja e kaluan testin.\gazetareforma
