Ai festoi mbrëmjen e 9 dhjetorit ditëlindjen e 100-të në një festë me njerëz shumë të njohur të industrisë së filmit. Në ditën e rëndësishme të Kirk Douglas nuk mungonte familja e djalit të tij, aktorit të famshëm Michael Douglas, i martuar prej vitesh me aktoren Catherine Zeta Jones. Edhe nipërit e tij, Dylan Michael dhe Carys Zeta ishin të pranishëm në këtë festë me 135 të ftuar.
Festa nisi rreth orës 14:30 në hotelin Beverly Hills. Të ftuarit u ndanë në disa tavolina të emërtuara me titujt e filmave të preferuar të Kirk Douglas-it. Tavolina e familjes së tij mbante emrin “Lonely are the brave” (“Guximtarët janë vetëm”), filmi më i parapëlqyer për të.
I biri i Michael Douglas-it nisi me një fjalim, ku u shpreh: “I detyrohem shumë atij për karrierën dhe suksesin tim”.
Catherine Zeta Jones ndezi qirinjtë dhe të gjithë kënduan “Happy Birthday”. Kirk Douglas është një ndër ikonat e Hollywood-it të artë, me një karrierë 62-vjeçare.
Ndër filmat më të njohur të tij janë titujt që kanë mbetur në historinë e Hollywood-it, si “The bad and the beautiful” (“I keqi dhe e bukura”) apo edhe “Lonely are the brave”.
Burimi: People
