Para pak ditësh Ledri Vula paralajmëroi fansat e tij se këtë vit do të sillte shumë hite. Reperi publikoi në Instagram një foto të tij dhe përkrah saj shkroi:
“Kena mu gjujt me hite sivjet. Po t’kallxoj!”.
Ledri e mban gjithmonë fjalën dhe sot zbuloi se së shpejti do të publikojë një këngë të re. Ai ka ndarë në Instagram një video të tij, në të cilën shfaqet duke kënduar e kërcyer me këngën ere. Ky projekt duket se do të jetë mjaft ritmik e me siguri do të jetë hiti i kësaj vere.
“Vjen së shpejti: Don Mo”, ka shkruar Ledri përkrah videos.
View this post on Instagram
Mes shumë komenteve bie në sy ai i Morena Tarakut, e cila shkruan:
“Ku po shihemi vajzooo…”, që duket si vazhdim i këngës.
Para pak javësh u përfol se Ledri dhe Morena mund të vijnë në një bashkëpunim me njëri-tjetrin. Shkak për dyshim u bë një koment, që reperi la në një foto të Morenës. Këngëtarja publikoi në Instagram, një foto nga Dubai dhe krahas saj shkroi:
‘Kush e di?!!’
Menjëherë të gjithë vunë re komentin e Ledrit, i cili ju përgjigj pyetjes së Morenës: “Unë e di”.
Tashmë do të na duhet të presim publikimin e këngës dhe të mësojmë nëse bëhet fjalë apo jo për një bashkëpunim mes dy këngëtarëve.
