“Uma Love” është projekti më i ri që ka sjellë Ledri Vula në bashkëpunim me Lumi B dhe NUK.
Kënga po pëlqehet goxha dhe madje ka arritur të grumbullojë më shumë se 600 mijë klikime vetëm për një ditë.
Mirëpo, së fundmi Ledri ka publikuar disa prapaskena nga kënga e tij më e fundit.
Jo vetëm kaq por ai na ka treguar dhe ‘sakrificat’ për xhirimin e klipit. Reperi shihet i kthyer mbrapsht nëpër disa shkallë teksa ia mban këmbët një bashkëpunëtor.
“Ledri në të kuqe”, shkruan ai përkrah fotos.
Më herët, Ledri është pyetur në një intervistë, se a do donte që të kishte një fëmijë të dytë, një motër ose vëlla për Poem. Ledri tha se do të donte shumë por kjo nuk varej vetëm nga ai po edhe nga Sara.
Ledri tha se do shumë që të jetë pranë vajzës së tij në çdo moment, pasi i duhet të udhëtojë shumë për shkak të angazhimeve artistike.
“Mua më bie shumë me udhëtu, asnjë fundjavë nuk jam në shtëpi, edhe në këtë moment që po kthehem mezi po pres të rri me të, kur shkojnë ditët kur se takoj, kur thotë një fjalë të re nuk kam qenë aty kur e ka msu, sa gëzohesh edhe të dhemb se nuk ke qenë aty dhe mundohem mos të humb asnjë sekondë me të. Nuk ka kënaqësi më të madhe se kur zgjohesh në mëngjes dhe dëgjon fjalën baba”, tha Ledri.
