Ledjana dhe Mevlani janë një nga dyshet më të përfolura të “Për’puthen”. Ndërkohë që të gjithë presin t’i shohin bashkë çift, duket se ata të dy nuk janë ende të sigurt për ndjenjat e tyre. Ditën e sotme për ata të dy ishte rezervuar një takim 4 minuta për të sqaruar disa gjëra mes tyre.
Për të disatën herë Ledjana e pyeti Mevlanin se çfarë ndjen për të, duke e vendosur me “shpatulla pas murit”. Mirëpo sërish nuk mori një përgjigje konkrete, ndaj më pas ajo u hpreh se vazhdon të jetë shumë konfuze për Mevlanin.
“Realisht jam shumë konfuze në raport me Mevlanin. Unë i shikoj gjithë komentet dhe reagimet e këtyre, por edhe unë jam në pozitë të vështirë dhe konfuze. Nuk mund të vendosë kur nuk jam 100% e sigurt. Nuk mund të vendos jam person që nuk dua t’i shpreh ndjenjat pa qenë e sigurt, sepse e kam bërë një herë dhe nuk dua ta bëj sërish”, është shprehur Ledjana.
Gjatë emisionit është transmetuar edhe një pjesë nga prapaskenat e emisionit, pasi Mevlani doli jashtë nga debati me Sindin. Ledjana i ka shkuar pas atë ditë dhe të dy kanë biseduar me njëri-tjetrin. Teksa Ledjana i ka kërkuar të rikthehet sërish në emision, Mevlani është shprehur se ka dyshime pasi vajzat tek të cilat kishte shpresa dalin me djem të tjerë.
“Se di, tjetra filloi me dal me tjetrin, ti do me dal me tjetër. Unë tek ju i kisha shpresat, ju s’po ma varni. Po çfarë të bëj? Të shoh ty duke dalë me tjerë? Kam ardhur për të gjetur grua këtu”, është shprehur Mevlani.
