Teksa mungesa e moderatorit të njohur Ledion Liço u vu re dukshëm në “Top Channel”, vetëm pak ditë më parë burime për “iconstyle.al” pohuan se ai ka vendosur që të ngrejë një televizion nga zeroja.
Burimet në fjalë deklaruan se Ledioni aktualisht po punon për zhvillimin e një televizioni kushtuar argëtimit dhe muzikës shqiptare, që duhet “Melody TV”. Ky i fundit është pjesë e kompanisë së “Digitalb” dhe “TopMedia”.
Rikujtojmë se prej disa muajsh moderatori ka vendosur që të braktisë rrjetet sociale, gjë e cila të gjithëve na ka shtuar kureshtjen për të ditur si duket ai pas kaq shumë kohësh mungese në ekranin shqiptar.
Kuriozitetin të gjithëve na e ka shuar ditën e sotme aktori i njohur i humorit Rezart Veleshnja i cili ka publikuar një video në Insta Story ku shfaqet pranë Ledionit dhe një tjetër aktori të “Portokallisë”, ndërkohë mbetëm realisht të surprizuar nga pamja e moderatorit.
Siç mund ta shikoni edhe në videon e mëposhtme, Liço duket se ka shtuar disa kilogramë dhe për hir të së vërtetës mezi e njohëm.
