Prej disa kohësh ai ka qëndruar larg ekranit dhe ky është një nga ato vendime që nuk kalohet pa u vënë re! Ndërsa, në jetën private ai dhe bashkëshortja e tij Sara Hoxha, kanë vendosur që ta zgjerojnë familjen me një tjetër fëmijë që pritet të vijë në jetë pas pak kohësh, duket se Ledion Liço nuk paska qëndruar tërësisht në heshtje edhe në aspektin profesional.
Tashmë do ta shohim përsëri në ekranin e Top Channel me një prodhim të ri.
“A.Live.Night” është një prodhim i Top Music Awards, parathënia e një rrugëtimi të gjatë në Top Channel. 13 Episodet e tij sjellin 13 artistët më të dëgjuar dhe më të dashur nga shqiptarët kudo janë, në një qasje dokumentari muzikor, ku protagonistët rrëfejnë jetën e tyre personale dhe profesionale dhe këndojnë live hitet e tyre më popullore.
Prodhuar në Studiot e Top Albania Radio, ky është një format origjinal i Top Channel, dhe mban vulën e Ledion Liço.
Artistja e parë kanë bërë me dije që do të jetë Arilena Ara dhe emisioni do transmetohet të shtunën në orën 21:00!
Videon promovuese e kanë publikuar në profilet e tyre zyrtare motrat Sara dhe Lori Hoxha, e nga kjo ne mësuam se si do të kalojmë mbrëmjet e të shtunave.
View this post on Instagram
