Të gjithë kemi kaluar një moment të vështirë në jetën tonë, të cilin shpesh vendosim ta tregojmë pas shumë kohësh.
Moderatori Ledion Liҫo foli për jetën e tij gjatë kohës që sapo kishte ardhur në Tiranë nga Erseka, kur ai ishte në klasë të pestë.
Ledioni tregoi në emisionin “Pop Culture” se është përballur edhe me fenomenin e bullizmit dhe se kishte probleme me dialektin.
Ai shpjegoi se shpesh herë mbyllej në dhomë dhe qante.
“Flisja me dialekt dhe të gjithë njerëzit qeshnin dhe talleshin”, u shpreh Ledioni.
Liço shprehej se ia doli duke i thënë vetes:
“Nuk ke lindur për të qenë si të tjerët, por që të jesh i veçantë”.
Liço tregoi edhe për një përplasje të ndodhur në gjimnaz, kur një djalë më i madh në moshë e kishte goditur në fytyrë. Reagimi i Ledionit? I kishte ngrënë gishtin e vogël.
“Nuk kisha forcë tjetër…Megjithatë e kuptova se dhuna nuk ishte zgjidhja”, u shpreh.
