Ajo po jeton një jetë ëndrrash. Me shtëpinë e saj luksoze në Gjermani, dy fëmijët dhe bashkëshortin Naim Kabashi, Ledina Çelo na shfaq gjithmonë se është shumë e lumtur.
Një gjë të tillë ka bërë edhe ditën e djeshme, kur djali i këngëtares Ledina Çelo ka festuar ditëlindjen e tij. Erlis ka mbushur 6 vjeç dhe dy prindërit e tij, Ledina dhe Naimi i kanë organizuar një festë shumë të bukur në të cilën nuk janë kënaqur vetëm fëmijët por edhe mami me babin.
Ndërkohë që djali i ditëlindjes bashkë me të motrën kërcenin bashkë, dy prindërit ishin duke shijuar plotësisht momentin nën ritmet e këngës “Shape of You” të Ed Sheeran. Naimi dhe Ledina na japin përshtypjen e një çifti të dashuruar të cilët shijojnë çdo moment.
Pavarësisht diferencës në moshë, çifti tregon gjithnjë që kanë një pasion që mban gjallë martesën e tyre. Ky pasion shfaqet edhe në mënyrën sesi çifti kërcen.
Duket se afrimiteti mes prindërve i bën të lumtur edhe fëmijët të cilët kanë vazhduar të kërcejnë bashkë me prindërit. Padyshim ky është një shembull i një familje të lumtur dhe plot hare.
