Ditën e sotme në “Për’puthen” u transmetua takimi mes Mevlanit dhe Antonelës. Mirëpo takim romantik i tyre nuk u prit aspak mirë nga Lediana, e cila shprehu që në fillim të emisionit pëlqimin për Mevlanin. Madje ky i fundit që në takimin e parë i dedikoi një këngë Ledianës.
Gjatë takimit të sotëm Mevlani i tha Antonelës se nuk i lë Lediana të bëhen bashkë dhe kjo gjë ka nxitur debat të ashpër në studio. Antonela dhe Lediana u ngritën në këmbë dhe debatuan me tone të larta me njëra-tjetrën. Konkurrentja më e re i kishte blerë edhe një mikrofon Mevlanit, që ai t’i dedikonte dhe asaj një këngë, por Lediana dha një ultimatum.
“Nëse ti i bën këngë kësaj, unë e lë fare emisionin!”, i tha ajo Mevlanit
Pjesë nga debati
Lediana: Pse e përmend Ledianën në takimin tënd?
Antonela: Qetsoju moj se na hëngre.
Lediana: Pse e përmend emrin tim?
Mevlani: Se të kam në zemër.
Lediana: Po tallesh tani? Të marr karrigen tani se nuk di c’të bëj nga nervat?
Antonela: Po hë njëherë ta shohim.
Lediana: S’po flas me ty. Ti i dhuron mikrofon të të bëjë një këngë. Po nuk e ndjen ai dhe nuk ke për ta zënë kurrë vendin tim.
Antonela: Pse ca kam unë? Çfarë të dukem unë? (Ngrihen në këngë) Ja hajde të shohim. Hajde Mevlan.
Lediana: Unë kam pas pëlqim ndaj teje. Vendos Mevlan.
Antonela: Avash se po ma tremb.
Lediana: A ka mundësi ta mbyllësh një sekondë. Ti e bën me zor. I jep mikrofon dhe i thua të të këndoj dy vargje.
Antonela: Pse je xheloze?
Lediana: Se erdhe të na ndash. Nëse ti i bën këngë kësaj, unë e lë fare emisionin.
