U përfol shumë për të dhe ja më në fund, Enca Haxhia ka publikuar sot klipin e saj të ri.
Kënga titullohet “Baladë” dhe ashtu sikurse titulli, edhe zhanri i kësaj kënge është baladë, ndërsa këngëtarja vjen tejet joshëse në klip.
Ajo që na ra në sy është veshja e saj tepër elegante. Enca shfaqet me tre veshje të ndryshme në baladën e saj të parë, dy prej të cilave janë dy fustane të mrekullueshme tutu.
Po, po, e veshur me tyl nga koka te këmbët, Enca sjell në vëmendje trendin e ri që ka vjedhur zemrat e të gjitha fashionistave, si për të na bindur se ky do të jetë viti i tutu-ve.
Këngëtarja e ka kombinuar veshjen me bizhuteritë elegante të Swarovski-t që i japin edhe më tepër shkëlqim.
Pak ditë më parë pamë edhe Zaimina Vasjarin me një fustan të ngjashëm në ditëlindjen e parë të vajzës së saj.
Mjafton të kthehemi një muaj më parë dhe të njëjtin fustan ia pamë edhe Khloe Kardashian.
Në javën e modës në Paris, Seline Dion solli versionin e palltos tutu të punuar me mjeshtëri nga Oscar de la Renta.
Ja pra, ky është viti i fustaneve tutu dhe pas këtij klipi u bindëm plotësisht.
