Mbrëmjen e kaluar në qendrën e qytetit të Tiranës u mbajt koncerti madhështor me rastin e 15-vjetorit të “Digitalb”, koncert në të cilin morën pjesë emrat më të njohur të muzikës shqiptare. Skena u elektrizua nga këngët më hit të momentit dhe qielli u ngjyros nga spektakli i fishekzjarrëve.
Të pranishëm në festë ishin emra të njohur të showbiz-it si Luana Vjollca, Faydee, Tayna, Ledri Vula, Elvana Gjata, Mc Kresha, Lyrical Son, Alban Skënderaj, Ylli Limani, Ronela Hajati etj.
Le të ndalemi pak tek Ronela Hajati dhe kostumi i saj i çmendur, i cili mori vëmendjen e të gjithëve.
Këngëtarja kishte veshur një kostum sateni në ngjyrë rozë, të përgatitur nga stilisti Niko Komani. Detaji që ra në sy ishin pantallonat e shkëputura në pjesën e kofshëve, të cilat lidheshin me xhaketën në pjesën e sipërme vetëm me dy rripa prej cope dhe duhet ta pranojmë, dukej cool.
Këtë kostum, Ronela e kishte shoqëruar me geta rrjetë dhe një këmishë me mëngë të gjata, me motive të bardha dhe ngjyrë rozë, ndërsa këtë veshje e kishte kombinuar me një makeup skenik dhe flokët e kapura bisht.
“Mora shumë dashuri dje. Ju dua.”- shkruan këngëtarja krahas fotos së publikuar në Instagram, ku nuk kanë munguar komplimentet e shumta për veshjen e goditur.
