Cristiano Ronaldo ishte i pari që nisi “lojën” kundër sponsorave të kampionatit europain, duke hequr nga tavolina e konferencës për shtyp shishet e Coca-Colas. Pas tij Paul Pogba dhe Manuel Locatelli bënë të njëjtën gjë duke lëvizur shishet e Colas dhe të birrës Heineken për t’i zëvendësuar me ujë.
View this post on Instagram
View this post on Instagram
Ky veprim rezultoi edhe në një humbje të madhe të markës së famshme të pijes me gaz. Pas konferencës për shtyp të Cristiano Ronaldos, Coca-Cola pati humbje marramendëse. Në 3:00 pasdite në Evropë, aksionet e Coca Cola ishin afër 56.10 dollarë për aksion. Gjysmë ore më vonë, me përfundimin e konferencës në stadiumin Puskas Ferenc në Budapest, aksionet ranë në 55,22 dollarë. Një rënie prej 1.6% për kompaninë në bursë pasi vlera e kompanisë kaloi nga 242 miliardë dollarë në 238 miliardë dollarë. Humbjet totale për kompaninë pas gjestit të Cristiano Ronaldos vlerësohen të jenë 4 miliardë dollarë.
Për këtë arsye, pas këtyre lëvizjeve që u bënë trend nga ana e futbollistëve, ka reaguar edhe UEFA. Bashkimi i Shoqatave Evropiane të Futbollit u ka kërkuar lojtarëve në 24 skuadrat pjesëmarrëse të ndalojnë heqjen e pijeve sponsorizuese të vendosura strategjikisht në platformat e konferencës për shtyp.
Drejtori i turneut të Euro 2020, Martin Kallen tha të enjten se UEFA ka komunikuar me ekipet në lidhje me këtë çështje.
“Është e rëndësishme sepse të ardhurat e sponsorëve janë të rëndësishme për turneun dhe futbollin europian”, tha Kallen në një konferencë.
View this post on Instagram
Kallen tha se rregullat e turneut kërkojnë pajtueshmëri me premtimet e UEFA-s për sponsorët.
Kompanitë e pijeve si Coca-Cola dhe Heineken janë midis 12 sponsorëve të nivelit më të lartë për Euro 2020, duke kontribuar në të ardhurat totale të UEFA-s prej gati 2.4 miliardë dollarësh. Lojtarët gjithashtu indirekt marrin para nga të ardhurat komerciale të Euro 2020 përmes federatave dhe klubeve të tyre kombëtare.
