Në një intervistë të fundit me Meriton Mjekiqin, këngëtari Roland Hysi ka folur për karrierën e tij të gjatë, industrinë muzikore dhe për humbjen e mikut të ngushtë, Dr. Flori, anëtar i grupit “West Side Family”.
Hysi ka treguar momentin kur mori lajmin për ndarjen nga jeta të artistit të njohur: “Florin tha e kanë marrë me ambulancë, e mora vesh nga telefonatat dhe lajmet në televizor që ka ndërruar jetë dhe isha… mendova pas kësaj nuk do të kemi mundësi të prodhojmë,” ka rrëfyer ai me emocione.
Pas kësaj humbjeje, Roland Hysi së bashku me Landin dhe banorin aktual të Big Brother VIP Albania 5, Armir Shahini, kanë vazhduar punën me label-in e tyre, duke sjellë projekte të reja dhe duke ruajtur trashëgiminë e “West Side Family”. Pas ndarjes nga jeta e Dr. Florit, pjesë e grupit u bë edhe vëllai i tij, Alban Kondi.
Artistët janë rikthyer në vëmendje të publikut, sidomos pas futjes së Mirit në BBVA, duke ringjallur disa prej këngëve më të njohura të grupit. Ndër to spikat rikthimi i hitit “Çike Çike”, që ka zgjuar nostalgjinë e fansave.
Intervista e Hysit gjithashtu prek temat personale dhe emocionuese, duke ofruar një pasqyrë të hapur mbi sfidat dhe kujtimet e lidhura me një nga ikonat më të dashura të muzikës shqiptare. Përveç rrëfimit për humbjen e Dr. Florit, diskutohet edhe situata aktuale në industrinë muzikore dhe planet për projekte të ardhshme.
Ky episod i intervistës do të transmetohet sonte në orën 20:00, duke premtuar rrëfime të tjera interesante për fansat dhe ndjekësit e muzikës shqiptare.
