Një pilulë që është përdorur për dekada të tëra, mund të jetë burimi i rinisë. Shkencëtarët shpresojnë ta provojnë atë këtë vit. “Quartz” raporton se një medikament i quajtur Metformin mund të ngadalësojë procesin e plakjes dhe t’i mbajë njerëzit të shëndetshëm dhe të rinj për një kohë më të gjatë.
Metformin, një drogë që aktualisht përdoret për trajtimin e diabetit të tipit 2, rrit ndjeshmërinë ndaj insulinës duke bërë që mëlçia juaj të prodhojë më pak glukozë. Ajo është përdorur në mënyrë të sigurt te pacientët e diabetit për më shumë se 60 vjet. Por shkencëtarët të cilët e kanë testuar këtë barnë te kafshët, si krimbat dhe minjtë, kanë zbuluar se ajo gjithashtu rrit jetëgjatësinë dhe vonon fillimin e sëmundjeve të tjera.
Një grup shkencëtarësh kanë vendosur të marrin leje, për një studim që përfshin rreth 3.000 njerëz të moshuar që vuajnë ose kanë një rrezik të lartë për sëmundjet si kanceri, sëmundje të zemrës, ose probleme me kujtesën. Atyre do t’u jepet medikamenti për të parë nëse parandalon sëmundjet, apo plakjen dhe zgjat jetën e tyre. Nëse ia arrijnë, do të ketë zyrtarisht një ilaç kundër plakjes.
