Leja e posaçme për punonjësit sezonal në Greqi do të shtyhet deri më 31 dhjetor të këtij viti. Qeveria greke ka dërguar qarkoren e posaçme pranë drejtorive të decentralizuara të emigracionit në prefektura në të cilën, urdhërohen drejtoritë e emigracionit, të pranojnë aplikime për punonjës sezonalë, deri ne 31 dhjetor 2020.
Në qarkore, raporton Top Channel, mbetet e pa ndryshuar proçedura, pra kushdo punëdhënës në sektorin bujqësor, dëshiron të punësojë një emigrant nga vendet e treta, mund të kryeje aplikimin pranë zyrave të decentralizuara të emigracionit në prefekturën e zonës që banon, të plotësojë një deklaratë përgjegjësie për punëdhenësin, me detyrimin e gjetjes se banesës, ta ketë të siguruar të paktën 20 ditë në 3 muajt e ardhshëm, të paguajë një taksë legalizimi 100 euro për punonjës, si dhe të sigurojë kushtet e jetesës për punonjësin sezonal. Procedura kryhet brenda 48 oreve nga dita e dorëzimit të dokumentave.
Më shumë se 30 mijë emigrant janë të punësuar në sektorin e bujqësisë në Greqi, ku shumica dërrmuese janë shqiptarë dhe kryesisht të përqëndruar në veri të vendit fqinj. /gazetareforma
