Kur vjen puna për të larë duart, të gjithë mendojmë se kemi bërë gjithçka siç duhet apo jo? Hapim rubinetin, vendosim duart poshtë ujit, përdorim sapunin, i fërkojmë me njëra-tjetrën dhe kaq. Nuk është aq e vështirë… apo është? Sipas një studimi të ri, në 97 % të rasteve, të gjithë gabojmë kur lajmë duart. Na falni për lajmin e keq!
Sipas “CNN”, askush nuk i lanë duart me sapun dhe ujë për më shumë se 20 sekonda, kohë kjo e sugjeruar nga Qendra për Kontrollin dhe Parandalimin e Sëmundjeve. Dhe mbi të gjitha, asnjë nga personat e marrë në studim, nuk u kujtua të përdorë peshqir të pastër për të fshirë duart.
Në studimin ku morën pjesë rreth 383 persona, u vunë re edhe sjellje të çuditshme pas konsumimit të mishit. Ata nuk lanin duart asnjëhere pasi preknin mishit, duke i shpërndarë bakteret në frigorifer apo tavolinë. Nëse konsumoni dhe gatuani mish në shtëpi, gjithmonë lani duart sa më shpesh të jetë e mundur, sugjeron studimi.
Ndërsa për teknikën e larjes së duarve, studimi sugjeron të këndoni këngën “Happy Birthday” për të matur kohën ekzakte. Dhe sigurohui që të lani me sapun edhe poshtë gishtërinjve, tek thonjtë përpara se ti fërkoni për më shumë se 20 sekonda.
Larja e duarve është shumë e rëndësishme! Mund të parandalojë sëmundjen si ftohja apo edhe diarrea. Ndaj kushtoj të paktën një minutë, për të larë siç duhet duart. Trupi juaj do t’iu falenderojë.
