Një 63-vjeçare nga Dragashi ka ndërruar jetë sot në orët e para të mëngjesit në Klinikën Infektive.
Lajmin e ka bërë të ditur vetë Klinika Infektive përmes një njoftimi për media, ku bën me dije se pacientja ishte e infektuar me COVID-19, por gjithashtu kishte edhe sëmundje tjera.
“Në orët e mëngjesit ka ndërruar jetë pacientja e lindur me 1957 nga komuna e Dragashit, e cila veç infeksionit me COVID-19, ka pasur edhe sëmundje kronike të veshkave dhe sëmundje tjera shoqëruese”, thuhet në njoftim.
Deri më tani numri i personave që kanë humbur jetën ka arritur në 27.
Në Klinikën Infektive në QKUK, janë duke u trajtuar 12 raste me COVID-19, prej të cilave, 9 raste janë në gjendje të qëndryeshme, 2 në trajtim me oksigjenoterapi dhe përkujdesje intensive, si dhe një tjetër në gjendje të rënduar.
Rreth 533 persona janë shëruar në Kosovë, që nga fillimi i epidemisë, ndërsa të infektuar me koronavirus janë 860 në total.
/Iconstyle.al
