Një ngjarje e rëndë ka ndodhur në orët e para të mëngjesit të sotëm në fshatin Remas të Divjakës. Aksioni i forcave RENEA për kapjen e dy personave të dyshuar për vrasje ka përfunduar në një përplasje me armë ku mbeti i plagosur një person.
Forcat e policisë rrethuan banesën e shtetasit Haxhi Lika, ku strehoheshin dy të dyshuarit, mirëpo kanë ndeshur në rezistencën e këtij të fundit, i cili ishte i armatosur me një çifte.
Sipas policisë shtetasi Haxhi Lika nuk i është bindur urdhrit të tyre, ndaj forcat RENEA janë detyruar të qëllojnë me armë në ajër.
Menjëherë pas kësaj Haxhi Luka iu është kundërpërgjigjur forcave të policisë duke shtënë me armë zjarri.
Ndërkohë policia bën me dije se, “Lika u lëndua në kokë në rrethana të paqarta”, dhe ndodhet në spital jashtë rrezikut për jetën.
Burimi: Balkanweb
