Një 26-vjeçar ka humbur jetën pasi është mbytur teksa lahej në det tek Gjiri i Lalëzit.
Ngjarja ka ndodhur rreth orës 14:15 ndërsa ky është rasti i dytë i mbytjes në Adriatik brenda ditës.
26 vjeçari me iniciale Z.T., kishte hyrë të lahej në det, por nuk dihen rrethana të tjera. Grupi hetimor ndodhet në vendngjarje dhe po punon për zbardhjen e ngjarjes.
Mëngjesin e së martës në Golem u mbyt një 60-vjeçare. Ngjarja ndodhi rreth orës 09:45, në lagjen nr.13, tek Shkëmbi i Kavajës. 60-vjeçarja K.K., banonte në Elbasan dhe dyshohet të jetë mbytur ndërsa lahej në det.
Nuk dihet nëse në vendgjarje ka pasur roje shpëtimi, por shpesh herë tragjedi të tilla ndodhin pikërisht për shkak të mungesës së rojeve që duhet të jenë në dispozicion në çdo plazh në mes të sezonit turistik.
Njoftimi:
“Durrës/Informacion paraprak
Më datë 25.08.2020, rreth orës 14:15, tek Gjiri i Lalëzit, shtetasi Z.T., 26 vjeç, banues në Durrës, dyshohet se është mbytur duke u larë në det, e për pasojë ka ndërruar jetë.
Grupi hetimor ndodhet në vendngjarje dhe po punon për zbardhjen e ngjarjes.”
