Gjykata e Krimeve të Rënda ka caktuar masën e sigurisë “arrest shtëpie” për ish-ministrin e Punëve të Brendshme, Saimir Tahiri. “Ballkanweb” shkruan se Gjykata vendosi pranimin pjesërisht të kërkesës së Prokurorisë, e cila kërkoi masën e sigurisë burg pa afat.
Sakaq, urdhërohet që shtetasi nën hetim Saimir Tahiri të mos largohet nga banesa e tij sipas gjykatës.
Ish-ministri i Brendshëm po hetohet për lidhje me vëllezërit Habilaj që dyshohet se kanë trafikuar drogë nga Shqipëria në Itali.
“Caktimin e masës së sigurimit personal “Arrest në shtëpi”, ndaj shtetasit nën hetim Saimir Bashkim Tahiri, i datëlindjes 30.10.1979, si person i dyshuar për kryerje të veprave penale “Trafikimi i narkotikëve”, në bashkëpunim, në formën e grupit të strukturuar kriminal, e parashikuar në nenet 283/a dhe 333/a, në lidhje me nenin 28 të Kodit Penal dhe, “Korrupsioni pasiv i funksionarëve të lartë shtetërorë ose i të zgjedhurve vendorë”, e parashikuar në nenin 260 të Kodit Penal”
