Të dielën, me 28 tetor, do të ndryshojë ora dhe të gjithë do të mund të flejmë një orë më shumë. Në orën 03:00 të mëngjesit, akrepat e orës do të lëvizin 60 minuta pas dhe do të shënojë 02.00. Në këtë mënyrë marim orën që na u huazua në fund të marsit duke shënuar kështu edhe hyrjen e dimrit.
Në Komisionin Europian është ngritur një debat për të hequr dorë përfundimisht nga ky sistem dhe që përgjithmonë të jetë një orë që nuk ndryshon. Ndërkohë që shtetet që nuk pranojnë, mund të adoptojnë orën që duan.
Rregulli i ndryshimit të orës është vendosur që në shekullin e tetëmbëdhjetë, ku i pari ka qenë Benjamin Franklin i cili hodhi teorinë se me realizimin e tij, do të kursehej shumë energji.
