Futbollisti i Juventusit Daniele Rugani, më 12 mars rezultoi pozitiv ndaj Koronavirusit dhe kjo i shqetësoi të gjithë.
Personat që patën kontakt me të, përfshirë edhe kludin e Juventusit u izoluan dhe disa prej tyre janë ende në pritje të përgjigjes së analizave.
Megjithatë, mediat italiane shkruajnë se deri më tani nga Juventusi ka vetëm lajme të mira.
Për fat, personat që kanë marrë përgjigjet e analizave kanë rezultuar negativë gjë që tregon se nga kontakti me Daniele ata nuk janë infektuar.
Një pjesë e lojtarëve, stafit, logjistikës dhe presidenti Andrea Agnelli, në total 121 persona qëndrojnë në karantinë vullnetare në hotelin e klubit.
Përgjigjet e analizave për personat e tjerë, dalin ditën e sotme dhe të mërkurën.
