Një lajm i trishtë vjen për fansat e Celine Dion. Artistja e njohur ka njoftuar në Twitter se ka anuluar turneun e saj botëror ‘Courage’. Turneu ishte planifikuar të zhvillohej në qytetet evropiane duke përfshirë Londrën, Pragën dhe Amsterdamin deri në vitin 2024.
Dion tha në muajin dhjetor se ajo vuan nga sindroma e personit të ngurtë (SPS). Simptomat përfshijnë ngurtësimin e muskujve në bust, krahë dhe këmbë. Gjendja mjekësore po e pengon atë të performojë, thuhet në deklaratën e saj të postuar në rrjetet sociale.
“Po punoj shumë për të rindërtuar forcën time. Është më mirë që të anulojmë gjithçka tani derisa të jem vërtet gati të rikthehem përsëri në skenë”
I’m so sorry to disappoint all of you once again… and even though it breaks my heart, it’s best that we cancel everything until I’m really ready to be back on stage… I’m not giving up… and I can’t wait to see you again!” – Celine xx…
More info👉https://t.co/DHUch7W7OF pic.twitter.com/bgszxVd1za— Celine Dion (@celinedion) May 26, 2023
Në vitin 2022 Dioni kishte riprogramuar disa nga shfaqjet në turneun Courage në 2023 dhe 2024. Ikona e pop-it ka fituar 20 Çmime Juno dhe ishte ndër të parat që u nderua në Walk of Fame të Kanadasë në Toronto, në 1999. Krahas sfidave shëndetësore, që nga viti 2016 Dioni është përballur me vdekjen e bashkëshortit, nënës dhe njërit prej vëllezërve të saj.
