Ditët e parë të muajit korrik nisën me temperatura shumë të larta, të cilat i kaluan 35 gradë.
Të gjithë ju drejtuan bregdetit për të shpëtuar nga temperaturat përvëluese, megjithatë kemi një lajm të mirë për të gjithë ata që janë ende në punë.
Sipas sinoptikanëve ditën e sotme do të nisin reshjet e shiut dhe kjo gjë është vënë re që në orët e para të ditës.
Mëngjesi i ditës së sotme ka nisur me vranësira, të cilat gjatë pasdites do të kthehen në reshje shiu dhe stuhi. Zonat më të prekura do të jenë ato veriore dhe pjesërisht ato qendrore.
Temperaturat do të pësojnë një ulje të lehtë, e cila do të ndihet kryesisht në zonat malore.
