Nesër, siç dihet nga të gjithë është festa e Krishtlindjeve. Siç ndodh zakonisht për raste festash, kemi dy lajme të mira nga ana e Bashkisë së Tiranës për qytetarët të cilët përdorin transportin publik, veçanërisht për ata që përdorin linjën e Unazës.
Fillimisht të gjithë ata që e nisin punën në orën 06:00 dhe e mbyllin në orën 23:00 do të kenë mundësinë të përdorin urbanët e ‘Green Line’.
Për t’i ardhur në ndihmë qytetarëve, linja e Unazës do të zgjasë orarin e shërbimit, duke nisur nga ora 05:30 deri në orën 23:30, pra do të startojë gjysmë ore më herët dhe do të mbyllet gjysmë ore më vonë.
Gjithashtu me rastin e Krishtlindjeve, është menduar një lehtësim i vogël për të gjithë qytetarët e Tiranës. Të gjithë ata që do të duhet të lëvizin me autobus përqark unazës në datën 25 dhjetor nuk do të paguajnë lekë.
Nga reflektimi i të dhënave të Bashkisë së Tiranës deklarohet se, mes personave që përdorin transportin publik, 64.7% e tyre udhëtojnë me biletë dhe një pjesë më e vogël përdorin abonetë, librezat apo dokumente të tjera që njihen nga autoritetet.
Prej disa muajsh në kryeqytet ka nisur nga puna, “Linja e parë e Gjelbër” ose e njohur ndryshe si #TiranaGreenLine nga ana e Bashkisë së Tiranës.
