Johnny Depp tashmë do të jetë pjesë e “Pirates Of The Caribbean” në rolin e kapitenit Jack Sparrow.
Ky lajm ka gëzuar fansat e aktorit.
Një burim tha për The Sun se xhirimet do të fillojnë në fillim të muajit shkurt.
Vendi? Do të jetë pikërisht një ‘vend sekret’ në Mbretërinë e Bashkuar.
Thuhet se projekti është i mbuluar me fshehtësi dhe Disney dëshiron të mbajë gjithçka të fshehtë sa më mirë që mundet
“Johnny do të kthehet si kapiten Jack Sparroë dhe është planifikuar të fillojë xhirimet në fillim të shkurtit në një vend sekret në Mbretërinë e Bashkuar. Gjithçka është në fazat e hershme dhe ende nuk ka asnjë regjisor të lidhur me projektin, i cili quhet “A Day At The Sea”. Johnny pritet të bëjë një xhirim provë në fillim të shkurtit përpara se prodhimi të fillojë plotësisht. Një fletë thirrjesh është shpërndarë mes atyre që janë në dijeni. Bruce Hendricks, i cili ka punuar në tre filmat e parë, është emëruar si Producenti Ekzekutiv në projektin e ri. Të gjitha detajet e tjera po mbahen sekret. I gjithë projekti është i mbuluar me fshehtësi dhe Disney dëshiron të mbajë gjithçka të fshehtë sa më mirë që mundet”, theksoi burimi.
