Italia tashmë e ka kaluar pikun dhe më në fund kurba po shënon rënie.
Në 24 orët e fundit numri i viktimave dhe ai i të infektuarve ka pasur një ulje të ndjeshme.
Në 24 orët e fundit bëhet me dije se 431 persona të prekur me Covid-19 kanë ndërruar jetë, 188 më pak krahasuar me një ditë më parë.
Kështu, numri total i viktimave ka shkuar në 19,899.
Kjo është shifra më e ulët që prej 19 marsit, kur u regjistruan 427 viktima, ndërsa këto tri javë kanë qenë tragjike me një numër viktimash mbi 600.
Gjithashtu rënie ka pësuar edhe numri i rasteve të reja me koronavirus. 4,092 persona kanë testuar pozitiv në 24 orët e fundit ndërsa 1,677 persona ia kanë dalë të mposhtin koronavirusin.
