Numri i rasteve totale të prekura nga Covid-19 ka shkuar 99 në Greqi, megjithatë lajmi i mirë ka ardhur nga Qendra Operative e Krizave Spitalore.
Sipas një njoftimi, “pacientja zero” e diagnostikuar disa ditë më parë me COVID-19 është plotësisht e shëruar.
Gjithashtu, edhe djali i saj 9-vjeçar ka fituar betejën kundër koronavirusit.
Nënë e bir u u izoluan në spitalin e Selanikut në kushtet e karantinës së plotë dhe sipas të dhënave organizmi i tyre reagoi mjaft mirë ndaj medikamenteve me të cilat u trajtuan.
Deri tani, në Greqi numrëohen vetëm 3 persona në gjendje të rëndë në spital, ndërsa pjesa tjetër nuk kanë shfaqur simptoma të rënda të virusit.
